വാരം: പരിശുദ്ധ റമദാനെ നന്മയുടെ പാന്ഥാവിലേക്കും നന്മകള്‍ കൊണ്ട് സജീവമാക്കിയും ഉപയോഗപ്പെടുത്തണമെന്ന് ജംഇയ്യത്തുല്‍ മുഅല്ലിമീന്‍ ജില്ലാ ജനറല്‍ സെക്രട്ടറി അബ്ദുസമദ് മുട്ടം. സമസ്ത കേരള സുന്നി ബാലവേദി ജില്ലാ കമ്മിറ്റിയുടെ തസ്‌കിയത്ത് ക്യാംപും സമൂഹ നോമ്പുതുറയും വാരംകടവ് ഇസ്സത്തുല്‍ ഇസ്‌ലാം മദ്‌റസയില്‍ ഉദ്ഘാടനം ചെയ്യുകയായിരുന്നു അദ്ദേഹം. ലോകത്ത് നന്മയുടെ നാമ്പുകള്‍ അപ്രത്യക്ഷമാകുന്ന വര്‍ത്തമാന കാലത്ത് റമദാന്‍ നന്മയുടെ വിളിനാഥമാക്കണമെന്നും സമദ് വ്യക്തമാക്കി. സംസ്ഥാന സെക്രട്ടറി അഫ്‌സല്‍ രാമന്തളി അധ്യക്ഷനായി. ബഷീര്‍ അസ്അദി നമ്പ്രം മുഖ്യപ്രഭാഷണം നടത്തി. അബ്ദുല്ല ദാരിമി കൊയ്യം, ലത്തീഫ് എടവച്ചാല്‍, സജീര്‍ കാടാച്ചിറ, സഹദ് വാരംകടവ്, സുഹൈല്‍ തടിക്കടവ്, അര്‍ഷദ് മണ്ടൂര്‍, മുഹമ്മദ് തണ്ടപ്പറമ്പ്, അബ്ദുല്ല പാലോട്ടുപള്ളി, റഷീദ് മെരുവമ്പായി, ഷമ്മാസ് മൗവഞ്ചേരി, ആദില്‍ പുതിയങ്ങാടി, മുസമ്മില്‍ പാനൂര്‍ സംസാരിച്ചു.