തലശ്ശേരി: സി.പി.എം പ്രവര്‍ത്തകര്‍ സഞ്ചരിച്ച കാറിനു നേരെ ബോംബെറിഞ്ഞു. വെള്ളിയാഴ്ച രാത്രി ചൊക്ലി നിടുമ്പ്രത്തെ ഇല്ലത്ത്താഴെ വീട്ടില്‍ രാജേഷ് കാറില്‍ യാത്ര ചെയ്യവേ പന്തക്കല്‍ വയലില്‍പീടിക പെട്രോള്‍ പമ്പിനടുത്തു വച്ചാണ് ബോംബേറുണ്ടായത്. രാജേഷും സുഹൃത്തുക്കളും പരുക്കേല്‍ക്കാതെ രക്ഷപ്പെട്ടു. ബി.ജെ.പി പ്രവര്‍ത്തകരാണു ബോംബെറിഞ്ഞതെന്നു സി.പി.എം ആരോപിച്ചു. പന്തക്കല്‍ പൊലിസില്‍ പരാതി നല്‍കി. വയല്‍പീടികയിലെ പെട്രോള്‍പമ്പില്‍ സ്ഥാപിച്ച സി.സി.ടി.വി ദൃശ്യങ്ങള്‍ പൊലിസ് പരിശോധിക്കും.