തിരുവനന്തപുരം: അറുപത്തിരണ്ടാമത് സംസ്ഥാന സ്‌കൂള്‍ കായികമേളയിലെ ആദ്യ സ്വര്‍ണ്ണത്തിനുടമയായത് സല്‍മാന്‍ ഫാറൂഖ്. ജൂനിയര്‍ ആണ്‍കുട്ടികളുടെ മൂവായിരം മീറ്ററില്‍ ഒന്നാമതെത്തിയ സല്‍മാന്‍ തിരുവനന്തപുരം സായി വിദ്യാര്‍ഥിയാണ്. സീനിയര്‍ ആണ്‍കുട്ടികളുടെ 3000 മീറ്ററില്‍ ആദര്‍ശ് ഗോപി പൊന്നണിഞ്ഞു. കോതമംഗലം മാര്‍ബേസില്‍ വിദ്യാര്‍ഥിയാണ് ആദര്‍ശ്.

ഹോളി എച്ച് എസ്. എസ് കട്ടിപ്പാറ വിദ്യാര്‍ഥിനിയായ സനികയാണ് ജൂനിയര്‍ പെണ്‍കുട്ടികളുടെ മൂവായിരം മീറ്ററില്‍ ഒന്നാമതെത്തിയത്. സീനിയര്‍ പെണ്‍കുട്ടികളില്‍ പൗര്‍ണമി എന്‍പാലക്കാട് കെ.എച്ച്.എസ്.എസ് കുമരം പുത്തൂര്‍ സ്വര്‍ണം കരസ്ഥമാക്കി.

വിവിധ ജില്ലകളില്‍ നിന്നായി 1700ഓളം മത്സരാര്‍ത്ഥികള്‍ മാറ്റുരക്കും. ആദ്യ ദിനത്തില്‍ 31 ഇനങ്ങളിലെ വിജയകളെ കണ്ടെത്തും. രാവിലെ ലോങ് ജംപ് ഫൈനലുകളും ഉച്ചയ്ക്ക് ശേഷം നടക്കുന്ന 400 മീറ്റര്‍ ഓട്ടവും, 110 മീറ്റര്‍ ഹര്‍ഡില്‍സ് ഫൈനലുമാണ് ആദ്യദിനത്തിലെ ഗ്ലാമര്‍ ഇനങ്ങള്‍. ഇത്തവണത്തെ മേളയില്‍ മെഡലുകളില്ലെങ്കിലും തിരുവനന്തപുരം യൂണിവേഴ്‌സിറ്റി സ്റ്റേഡിയത്തിലെ ട്രാക്കിലും ഫീല്‍ഡിലുമെല്ലാം കടുത്ത പോരാട്ടത്തിന് തന്നെയാണ് സാധ്യത.

ഏറെ മാറ്റങ്ങളോടെയാണ് ഇത്തവണത്തെ മേള. പ്രളയത്തെ തുടര്‍ന്ന് ചെലവ് ചുരുക്കുന്നതിന് പുറമെ മത്സരങ്ങളിലും മാനദണ്ഡങ്ങളിലും മാറ്റം വരുത്തിയിട്ടുണ്ട്.

.