കോഴിക്കോട്: മദ്‌റസാ മാനേജ്‌മെന്റ് അസോസിയേഷന്റെ പ്രവര്‍ത്തനം ജില്ലയില്‍ ശാസ്ത്രീയമാക്കുന്നതിന് വിവിധ പരിപാടികള്‍ ആവിഷ്‌കരിച്ചതായി എസ്.കെ.എം.എം.എ വാര്‍ത്താ കുറിപ്പില്‍ അറിയിച്ചു. റെയ്ഞ്ച്-മേഖലാ കമ്മിറ്റികളുടെ യോഗം ചേര്‍ന്ന് മദ്‌റസാ വിദ്യാഭ്യാസത്തിനു ഊന്നല്‍ നല്‍കുന്ന വിവിധ പരിപാടികള്‍ നടത്തും. മദ്‌റസാ പൊതുപരീക്ഷകളിലെ ജില്ലയിലെ റാങ്കുകാരെ 24ന് വള്ളിയാട് മദ്‌റസയില്‍ വച്ച് ആദരിക്കും. ഇസ്‌ലാമിക് നഴ്‌സറി കലോത്സവം ഡിസംബറില്‍ വിപുലമായി നടത്തുന്നതിനായി സബ് കമ്മിറ്റി രൂപീകരിച്ചു. എസ്.വൈ.എസ് കാംപയിന്‍ വിജയിപ്പിക്കാനും തീരുമാനിച്ചിട്ടുണ്ട്.
മുസ്‌ലിം പള്ളികള്‍ക്കെതിരേ മോശമായി പ്രസംഗിച്ച ആര്‍. ബാലകൃഷ്ണപിള്ളയുടെ നടപടി മതേതരത്വത്തിനേറ്റ കളങ്കമാണെന്നും വിഷയത്തില്‍ നടപടി സ്വീകരിക്കണമെന്നും യോഗം ആവശ്യപ്പെട്ടു.
പ്രസിഡന്റ് എ.പി.പി തങ്ങള്‍ അധ്യക്ഷനായി. എന്‍.കെ അബൂബക്കര്‍ മാസ്റ്റര്‍, വി.കെ.സി മൊയ്തു ഹാജി, വി.പി മുഹമ്മദ് മാസ്റ്റര്‍, മൂസ പാറക്കടവ്, നടുക്കണ്ടി അബൂബക്കര്‍, ടി. മൊയ്തു ഹാജി, അന്‍സാര്‍ കൊല്ലം, സി.കെ മൊയ്തു ഹാജി, എം.വി ഹുസ്സന്‍കുട്ടി മാസ്റ്റര്‍, എ.കെ.സി മുഹമ്മദ്, എം.പി അബ്ദുല്ലക്കുട്ടി ഹാജി, എം.കെ ബീരാന്‍കുട്ടി, സൈനുല്‍ ആബിദീന്‍ തങ്ങള്‍, എം.പി കോയട്ടി, എം.സി മൊയ്തു മാസ്റ്റര്‍, കെ.പി കോയ, സി. ശുക്കൂര്‍ സംസാരിച്ചു.

'