ദമാം: ഈ വര്‍ഷത്തെ പരിശുദ്ധ ഹജ്ജ് കര്‍മത്തിനെത്തിയ വിവിധ നാട്ടുകാരായ ഹാജിമാര്‍ക്ക് വേണ്ടി സേവനം നല്‍കുന്നതിന് വേണ്ടി പോയ ജുബൈല്‍ കെഎംസിസി പ്രവര്‍ത്തകര്‍ക്കുള്ള സ്വീകരണവും, എഴുത്തുകാരനും, പ്രഭാഷകനും, പത്രപ്രവര്‍ത്തകനുമായിരുന്ന റഹീം മേച്ചേരി അനുസ്മരണവും സംഘടിപ്പിച്ചു. ഹോസ്പിറ്റല്‍ ഏരിയ കമ്മിറ്റി ഓഫീസില്‍ ജുബൈല്‍ കെഎംസിസി പോര്‍ട്ട് ഏരിയ കമ്മിറ്റി സംഘടിപ്പിച്ച പരിപാടിയില്‍ പോര്‍ട്ട് ഏരിയ കമ്മിറ്റി പ്രസിഡന്റ് റാഫി കൂട്ടായി അധ്യക്ഷത വഹിച്ചു.

ജുബൈല്‍ കെ എം സി സി വൈസ് ചെയര്‍മാന്‍ ഹമീദ് പയ്യോളി ഉദ്ഘാടനം ചെയ്തു. ശാമില്‍ ആനിക്കാട്ടില്‍ റഹീം മേച്ചേരി അനുസ്മരണ പ്രഭാഷണം നടത്തി. സൈതലവി പരപ്പനങ്ങാടി, മുഹമ്മദ് കുട്ടി മാവൂര്‍, ബഷീര്‍ കൂളിമാട്, അനസ് വയനാട്, ഫസീഹ്, ഹമീദ് ആലുവ, നൗഷാദ് പള്ളിക്കല്‍ ബസാര്‍, കുട്ടി എടപ്പാള്‍, അസീസ് ഉണ്ണിയാല്‍, സിദ്ദിഖ് താനൂര്‍, അബൂബക്കര്‍ കാസര്‍കോഡ്, സൈതലവി, ആസിഫ് തുടങ്ങിയവര്‍ സംസാരിച്ചു. ഹജ്ജ് സേവനത്തിന് പോയ പ്രവര്‍ത്തകര്‍ അവരുടെ അനുഭവങ്ങള്‍ പങ്ക് വെച്ചു. പോര്‍ട്ട് ഏരിയ കമ്മിറ്റി ജനറല്‍ സെക്രട്ടറി ഇബ്രാഹിം കുട്ടി താനൂര്‍ സ്വാഗതവും ജോയിന്റ് സെക്രട്ടറി ബഷീര്‍ ഒട്ടുംപുറം നന്ദിയും പറഞ്ഞു.