കോട്ടയം: പാലായിലെ യു.ഡി.എഫ് സ്ഥാനാര്‍ഥി ജോസ് ടോം പുലിക്കുന്നേലും എന്‍.ഡി.എ സ്ഥാനാര്‍ഥി എന്‍.ഹരിയും നാമനിര്‍ദ്ദേശ പത്രകി സമര്‍പ്പിച്ചു. മൂന്ന് സെറ്റ് പത്രികയാണ് ജോസ് ടോം നല്‍കിയത്. പാര്‍ട്ടി സ്ഥാനാര്‍ഥിയെന്ന നിലയിലും സ്വതന്ത്രനെന്ന നിലയിലുമാണ് പത്രിക നല്‍കിയത്.
രണ്ടില ചിഹ്നം ആവശ്യപ്പെട്ട് ജോസ് കെ.മാണിയുടെ കത്ത് സഹിതമാണ് ജോസ് ടോം ആദ്യ നാമനിര്‍ദ്ദേശ പത്രിക സമര്‍പ്പിച്ചത്. പൈനാപ്പിള്‍, ഫുട്‌ബോള്‍, ടോര്‍ച്ച് തുടങ്ങിയ ചിഹ്നങ്ങള്‍ ആവശ്യപ്പെട്ട് മറ്റ് രണ്ട് സെറ്റ് പത്രികയും കൂടി സമര്‍പ്പിച്ചു.

ജോസ് ടോമിന് രണ്ടില ചിഹ്നം നല്‍കാനാവില്ലെന്ന് പി.ജെ ജോസഫ് വ്യക്തമാക്കിയ സാഹചര്യത്തിലാണ് മറ്റ് രണ്ട് സെറ്റ് പത്രികകള്‍കൂടി സമര്‍പ്പിച്ചത്.