വടുവഞ്ചാല്‍: അനേകം മാറ്റങ്ങളിലൂടെയാണ് ലോകം വളര്‍ന്നിട്ടുള്ളത്. ശാസ്ത്രമേഖലിയിലുണ്ടായ പുരോഗതിയും നിരന്തര പഠനവും മനുഷ്യനെ നവീകരിക്കാന്‍ സഹായിച്ചിട്ടുണ്ടെന്ന് വൈദ്യുതി വകുപ്പ് മന്ത്രി എം.എം മണി പറഞ്ഞു.
വടുവഞ്ചാല്‍ ജി.എച്ച്.എസ്.എസ് സ്‌കൂളില്‍ ഹൈടെക് ക്ലാസ് മുറികളുടെയും അടല്‍ ടിങ്കറിങ് ലാബിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. പൊതു സംരക്ഷണ യജ്ഞത്തിന്റെ ഭാഗമായി വടുവഞ്ചാല്‍ ജി.എച്ച്.എസ്.എസ് സ്‌കൂളില്‍ നിര്‍മിച്ച 21 ഹൈടെക് ക്ലാസ് മുറികളാണ് തയാറായത്.
ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലെ മുഴുവന്‍ ക്ലാസ് മുറികളിലും പ്രോജക്ടര്‍, ലാപ്‌ടോപ് എന്നിവ സജ്ജീകരിച്ചിട്ടുണ്ട്.
അടല്‍ ടിങ്കറിങ് ലാബില്‍ സെന്‍സര്‍, റോബര്‍ട്ട്, ത്രീഡി പ്രന്റിങ് തുടങ്ങിയ സംവിധാനങ്ങളും വിവിധ വര്‍ക്ക് ഷോപ്പുകള്‍, എ.ടി ലാബ് എന്നിവയും ഒരുക്കിയിട്ടുണ്ട്. ചടങ്ങില്‍ ഐ.സി ബാലകൃഷ്ണന്‍ എം.എല്‍.എ അധ്യക്ഷനായി. സുല്‍ത്താന്‍ ബത്തേരി ബ്ലോക്ക് പഞ്ചായത്ത് പ്രസിഡന്റ് ലതാശശി, അമ്പലവയല്‍ ഗ്രാമപഞ്ചായത്ത് പ്രസിഡന്റ് സീതാ വിജയന്‍, ജനപ്രതിനിധികളായ എ ദേവകി, അനില്‍കുമാര്‍, കെ പ്രഭാകരന്‍, എം.യു ജോര്‍ജ്ജ്, വല്‍സ തങ്കച്ചന്‍, ജയ പ്രവീണ്‍, ജില്ലാ വിദ്യാഭ്യാസ ഉപഡയരക്ടര്‍ കെ പ്രഭാകരന്‍, പി.ടി.എ പ്രസിഡന്റ് പി.സി ഹരിദാസന്‍, സീനിയര്‍ അസിസ്റ്റന്റ് എന്‍ ശിവദാസ്, പ്രിന്‍സിപ്പല്‍ മിനി ഷാഹിദ സംസാരിച്ചു.