കിനാലൂര്‍: കണ്ണാടിപ്പൊയിലില്‍ രണ്ട് ഡി.വൈ.എഫ്.ഐ പ്രവര്‍ത്തകര്‍ക്ക് കുത്തേറ്റു. മാഞ്ചോലക്കല്‍ പരേതനായ സത്യന്റെ മകന്‍ അഭിഷേക് എന്ന അച്ചു (17), കാപ്പിക്കുന്നുമ്മല്‍ മനോജിന്റെ മകന്‍ നന്ദു (18) എന്നിവര്‍ക്കാണ് കുത്തേറ്റത്. ഇവരെ കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ടാണ് സംഭവം. ബി.ജെ.പി പ്രവര്‍ത്തകനാണ് അക്രമത്തിന് പിന്നിലെന്നാണ് വിവരം.

നരിക്കുനിയില്‍
കാറിന് നേരെ കല്ലേറ്

നരിക്കുനി: ഹര്‍ത്താല്‍ അനുകൂലികളുടെ കല്ലേറില്‍ കാറിന് കേടുപാടുകള്‍ സംഭവിച്ചു.
 ഇന്നലെ ഉച്ചയോടെ വട്ടോളിയില്‍ നിന്നു മടവൂരിലേക്ക് പോവുകയായിരുന്ന കുടുംബം സഞ്ചരിച്ച കാറിനു നേരെയാണ് കല്ലേറ് നടന്നത്.