ശ്രീനഗര്‍: ജമ്മുകശ്മിരില്‍ പെല്ലറ്റ് ആക്രമണത്തില്‍ ഗുരുതരമായി പരുക്കേറ്റ കൗമാരക്കാരന്‍ മരിച്ചു. പതിനൊന്നാം ക്ലാസ് വിദ്യാര്‍ഥിയായ അസ്‌റാര്‍ അഹമ്മദ് ഖാന്‍ ആണ് മരിച്ചത്. കഴിഞ്ഞമാസം ആറിന് സൂറയില്‍ ജനക്കൂട്ടത്തിനു നേരെ സൈന്യം പ്രയോഗിച്ച പെല്ലറ്റാക്രമണത്തിലാണ് അസ്‌റാറിനു പരുക്കേറ്റത്. തുടര്‍ന്ന് ചികിത്സയിലായിരുന്നു. ആക്രമണത്തില്‍ അസ്‌റാറിന്റെ കണ്ണില്‍ പെല്ലറ്റുകള്‍ തുളച്ചുകയറുകയായിരുന്നു. പോസ്റ്റ്‌മോര്‍ട്ടത്തിന് ശേഷം ഇലാഹി ബാഗിലെ വീടിനു സമീപം മൃതദേഹം മറവുചെയ്തു. എന്നാല്‍, പെല്ലറ്റാക്രമണത്തിലാണ് കൊല്ലപ്പെട്ടതെന്ന വാര്‍ത്ത സൈന്യം നിഷേധിച്ചു.