തിരുവനന്തപുരം: ശബരിമലയില്‍ സ്ത്രീപ്രവേശന ഉത്തരവിനെ ചൊല്ലിയുണ്ടായ സംഘര്‍ഷങ്ങളില്‍ അറസ്റ്റിലായവരുടെ എണ്ണം 2000 കടന്നു. വിവിധ സംഭവങ്ങളിലായി 452 കേസുകളാണ് രജിസ്റ്റര്‍ ചെയ്തത്. ഇതില്‍ 2061 പേരെ അറസ്റ്റ് ചെയ്തു. എന്നാല്‍, അറസ്റ്റ് ചെയ്തവരില്‍ 1500ഓളം പേരെ ജാമ്യത്തില്‍ വിട്ടു.

സംഭവങ്ങളില്‍ ഉള്‍പ്പെട്ടവരുടെ ചിത്രങ്ങള്‍ കഴിഞ്ഞ ദിവസം പോലിസ് പുറത്തുവിട്ടിരുന്നു. ഇതിന്റെ അടിസ്ഥാനത്തില്‍ സംസ്ഥാനത്തുടനീളം പ്രതികള്‍ക്ക് വേണ്ടിയുള്ള റെയ്ഡും പരിശോധനകളും തുടരുമെന്നും പോലിസ് അറിയിച്ചു. സംശയമുള്ളവരെ കസ്റ്റഡിയിലെടുത്ത ശേഷം വീഡിയോ ദൃശ്യങ്ങള്‍ കൂടി പരിശോധിച്ച ശേഷമാണ് കേസുകള്‍ ചുമത്തുന്നതെന്ന് പോലിസ് പറഞ്ഞു.