കോഴിക്കോട്: ശബരിമലയില്‍ സ്ത്രീ പ്രവേശനം നിഷേധിക്കപ്പെട്ടതു സ്ത്രീകളോടുള്ള അപമര്യാദയായി കാണരുതെന്നു ഭാരതീയ ജ്യോതി ശാസ്ത്ര പരിഷത്ത്. ഹൈന്ദവ ആചാരാനുഷ്ഠാനങ്ങളില്‍ സ്ത്രീകളെ മാതൃഭക്തിയോടു കൂടിയാണ് ആരാധിക്കുന്നത്. ശബരിമല പ്രവേശനം സംബന്ധിച്ച തര്‍ക്കങ്ങള്‍ക്ക് അവസാനമുണ്ടാവണമെങ്കില്‍ വൈദികരും ജോതിശാസ്ത്ര പണ്ഡിതന്മാരും തന്ത്രി പ്രമുഖരും കൂടിയിരുന്നു തീരുമാനങ്ങളെടുക്കണമെന്നും നേതാക്കള്‍ പറഞ്ഞു.
സാമ്പത്തിക നേട്ടത്തിനുവേണ്ടി തിങ്കളാഴ്ച വൈകിട്ടു മുതല്‍ ബലിതര്‍പ്പണം നടത്തിയത് അധര്‍മവും അശാസ്ത്രീയവുമാണെന്നും ജ്യോതി ശാസ്ത്ര പരിഷത്ത് അഭിപ്രായപ്പെട്ടു. വാര്‍ത്താസമ്മേളനത്തില്‍ പ്രസിഡന്റ് മൂലയില്‍ മോഹന്‍ദാസ് പണിക്കര്‍, ടി.കെ മുരളീധര്‍ പണിക്കര്‍, ശ്യാംജിത്ത് പാലക്കല്‍, ഗിരിജ പി.ഇ, മധുസൂദനന്‍ ബാലുശ്ശേരി പങ്കെടുത്തു.