ലഖ്‌നൗ: ജനസമ്മതിക്കായി വിലകുറഞ്ഞ പ്രചാരണ തന്ത്രങ്ങളാണ് കേന്ദ്ര സര്‍ക്കാരും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് സര്‍ക്കാരും സ്വീകരിക്കുന്നതെന്ന് യു.പി മുന്‍ മുഖ്യമന്ത്രിയും ബി.എസ്.പി അധ്യക്ഷയുമായ മായാവതി. കേന്ദ്രവും സംസ്ഥാന സര്‍ക്കാരും കര്‍ഷകരുടെ താല്‍പര്യങ്ങള്‍ സംരക്ഷിക്കുന്ന കാര്യത്തില്‍ പൂര്‍ണമായി പരാജയപ്പെട്ടിരിക്കുകയാണെന്ന് അവര്‍ ആരോപിച്ചു.
സഹാറന്‍പൂരില്‍ ജാതീയ സംഘര്‍ഷമുണ്ടായത് സംസ്ഥാന സര്‍ക്കാരിന്റെ നിയമസംവിധാനത്തിന്റെ തകര്‍ച്ചയെയാണ് കാണിക്കുന്നത്. അനീതിയെത്തുടര്‍ന്ന് ദുരിതമനുഭവിക്കുന്ന ജനങ്ങള്‍ക്ക് സഹായമെത്തിക്കാന്‍ അവര്‍ പാര്‍ട്ടി പ്രവര്‍ത്തകരോട് ആഹ്വാനം ചെയ്തു. സഹാറന്‍പൂരില്‍ പലരും പ്രതികളാക്കപ്പെട്ടിരിക്കുകയാണ്. ബി.ജെ.പിയുടെ നേതൃത്വത്തില്‍ പ്രതികാരവും ഈഗോയും ജാതീയതയും വര്‍ഗീയതയുമെല്ലാം എടുത്ത് ദരിദ്ര ജനവിഭാഗങ്ങളെ പൊതു സമൂഹത്തില്‍ നിന്ന് മാറ്റി നിര്‍ത്താനാണ് ശ്രമിക്കുന്നത്.