നാഷണല്‍ ടെസ്റ്റിങ് ഏജന്‍സി (എന്‍.ടി.എ) നടത്തുന്ന ജോയന്റ് എക്‌സാമിനേഷന്‍ (ജെ.ഇ.ഇ) മെയിന്‍ ജനുവരി 2020 ആദ്യ പരീക്ഷയ്ക്ക് സെപ്റ്റംബര്‍ 30വരെ അപേക്ഷിക്കാം.

ജനുവരി ആറുമുതല്‍ 11 വരെയാണ് കമ്പ്യൂട്ടര്‍ അധിഷ്ഠിത പരീക്ഷ നടക്കുന്നത്. നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജി(എന്‍.ഐ.ടി), ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്‌നോളജി (ഐ.ഐ.ഐ.ടി),കേന്ദ്രസഹായത്തില്‍ പ്രവര്‍ത്തിക്കുന്ന സാങ്കേതിക സ്ഥാപനങ്ങളിലെ ബി.ഇ, ബി. ടെക്, ബി. ആര്‍ക്, ബി. പ്ലാനിങ് എന്നിവയിലേക്കുള്ള പ്രവേശനവും ജെ.ഇ.ഇ സ്‌കോര്‍ അടിസ്ഥാനത്തിലാണ്. ഐ.ഐ.ടിയില്‍ പ്രവേശനം ആഗ്രഹിക്കുന്നവരും ജെ.ഇ.ഇ മെയിന്‍ ആദ്യപേപ്പര്‍ എഴുതേണ്ടതുണ്ട്. വര്‍ഷത്തില്‍ രണ്ടുതവണനടക്കുന്ന പരീക്ഷ 2020 ഏപ്രില്‍ മൂന്നുമുതല്‍ ഒന്‍പതുവരെയും നടക്കും. ഇതിനുള്ള രജിസ്‌ട്രേഷന്‍ ഫെബ്രുവരി ഏഴുമുതല്‍ മാര്‍ച്ച് ഏഴുവരെ നടക്കും.

കൂടുതല്‍ വിവരങ്ങള്‍ക്കും അപേക്ഷിക്കാനും httsp://jeemain.nic.in സന്ദര്‍ശിക്കുക.