ശ്രീനഗര്‍: ജമ്മുകശ്മീരില്‍ സൈനികവ്യൂഹത്തിനു നേരെയുണ്ടായ കല്ലേറില്‍ ജവാന്‍ കൊല്ലപ്പെട്ടു. രാജേന്ദ്ര സിങ് (22) എന്ന ജവാനാണ് കൊല്ലപ്പെട്ടത്.

അനന്ത്‌നാഗ് ബൈപ്പാസ് വഴി കടന്നുപോകുമ്പോഴായിരുന്നു ആക്രമണം.

ആക്രമണത്തില്‍ ഗുരുതരമായി പരുക്കേറ്റ രാജേന്ദ്ര സിങിന് ചികിത്സ നല്‍കിയെങ്കിലും രക്ഷപ്പെടുത്താനായില്ലെന്ന് സൈനിക വക്താവ് അറിയിച്ചു.

ഉത്തരാഖണ്ഡ് പിത്തോരാഗഢ് ബദേന നിവാസിയാണ് കൊല്ലപ്പെട്ട രാജേന്ദ്ര സിങ്. 2016 ലാണ് അദ്ദേഹം സൈന്യത്തില്‍ ചേര്‍ന്നത്.