ഗോഹട്ടി ലോകകപ്പ് യോഗ്യതാ മല്‍സരത്തില്‍ ഇന്ത്യക്ക് ഒന്നിനെതിരെ രണ്ട് ഗോളുകള്‍ക്ക് തോല്‍വി. ആദ്യപാതിയില്‍ സുനില്‍ ഛേത്രിയുടെ മനോഹര ഗോളില്‍ മുന്നിലെത്തിയ രണ്ടാം പകുതിയില്‍ റാബിയ അലാവി അല്‍ മന്ദറിന്റെ ഗോളിലൂടെ സമനില വഴങ്ങി. 82 ാം മിനുറ്റില്‍ മധ്യനിരയില്‍ നിന്ന് വന്ന ബോള്‍ ഗോളി ഗുര്‍പ്രീതിന്റെ തലക്ക് മുകളിലുടെ കോരിയിട്ടായിരുന്നു മന്ദറിന്റെ ആദ്യ ഗോള്‍. കളിയുടെ 89 ാം മിനുട്ടില്‍ മന്ദര്‍ തന്നെ രണ്ടാമതും വല കുലുക്കിയതോടെ ഇന്ത്യയുടെ പതനം പൂര്‍ണമായി.

അട്ടിമറി പ്രതീക്ഷിച്ച് കളത്തിലിറങ്ങിയ ഇന്ത്യന്‍ ടീമിനെ ശരിവെക്കുന്നതായിരുന്നു സുനില്‍ ഛേത്രിയുടെ അവിശ്വനീയ ഗോള്‍. ബോക്‌സിന് ലംബമായി പാഞ്ഞ ബ്രാന്‍ഡന്‍ ഫെര്‍ണാണ്ടസിന്റെ ഒരു ക്രോസ് ഞെട്ടിക്കുന്നൊരു ഷോട്ടിലൂടെ പന്ത് വലയിലെത്തിക്കുകയായിരുന്നു. പക്ഷേ പ്തീക്ഷ 82 ാം മിനിറ്റു വരെ മാത്രമേ നീണ്ടു നിന്നുള്ളൂ.