കോഴിക്കോട്: ഐ ലീഗില്‍ ഇന്ന് ഗോകുലം എഫ്.സി മോഹന്‍ബഗാനെ നേരിടും. ഗോകുലം എഫ്.സിയുടെ ഹോം ഗ്രൗണ്ടായ കോഴിക്കോട് കോര്‍പറേഷന്‍ സ്റ്റേഡിയത്തില്‍ വൈകിട്ട് അഞ്ചിനാണ് മത്സരം. ഐ ലീഗില്‍ ഇന്ന് ഉച്ചക്ക് രണ്ടിന് നടക്കുന്ന മത്സരത്തില്‍ നെരോക്ക എഫ്.സി ഈസ്റ്റ്ബംഗാളിനെ നേരിടും.
കഴിഞ്ഞ സീസണില്‍ മോഹന്‍ബഗാനെ സ്വന്തം മൈതാനത്ത് നേരിട്ട ഗോകുലം വിജയത്തോളം പോന്ന സമനില നേടിയിരുന്നു. ഇത് ടീമിന് മികച്ച ആത്മവിശ്വാസം നല്‍കുന്നുണ്ട്. ഇന്ന് നടക്കുന്ന മത്സരത്തില്‍ ബഗാനെ തോല്‍പ്പിക്കുമെന്ന ഉറച്ച വിശ്വാസത്തിലാണ് ടീമെന്ന് പരിശീലകന്‍ ബിനോ ജോര്‍ജ് പറഞ്ഞു. ഇന്നലെ നടന്ന ഉദ്ഘാടന മത്സരത്തില്‍ ചെന്നൈ സിറ്റി 4-1 എന്ന സ്‌കോറിന് ഇന്ത്യന്‍ ആരോസിനെ തോല്‍പിച്ചു.