വടക്കാഞ്ചേരി: ഇതര സംസ്ഥാനങ്ങളില്‍ നിന്നുള്ള നാടോടി മോഷണ സംഘങ്ങള്‍ വടക്കാഞ്ചേരി മേഖയില്‍ വിലസുന്നു. സംഘത്തിന്റെ പ്രവൃത്തി മൂലം ഏറെ ഭീതിയില്‍ കഴിയേണ്ട അവസ്ഥയിലാണ് ജനങ്ങള്‍.
വീടുകളില്‍ നിന്ന് വിലപിടിപ്പുള്ള സാധന സാമഗ്രികളുമായി ഈ സംഘങ്ങള്‍ കടന്ന് കളയുന്നതായി ജനങ്ങള്‍ പരാതിപ്പെടുന്നു. കുട്ടികളും, മുതിര്‍ന്നവരുമൊക്കെയായി എത്തുന്ന സംഘം ആക്രി സാധനങ്ങള്‍ വാങ്ങാനെത്തുന്നു എന്ന വ്യാജേനയാണ് വീടുകള്‍ കയറിയിറങ്ങുന്നത്. വീട്ടുകാരുടെ ശ്രദ്ധ തിരിഞ്ഞാല്‍ കിട്ടാവുന്നത് കൈക്കലാക്കി കടന്ന് കളയുകയാണ് രീതി.
വില പിടിപ്പുള്ള സാധന സാമഗ്രികള്‍ തട്ടിയെടുക്കുന്ന സംഘം വളരെ പെട്ടെന്ന് അത് മാറ്റുന്നതിനും പ്രത്യേക വൈദഗ്ധ്യം നേടിയവരാണ്. അതിനാല്‍ തൊണ്ടിയോടെ ഇവരെ പിടി കൂടുന്നതും ദുഷ്‌കരമാണ്.
കഴിഞ്ഞ ദിവസം ഇവരുടെ വിഹാരത്തില്‍ നിരവധി വീടുകളില്‍ നിന്ന് സാധന സാമഗ്രികള്‍ മോഷണം പോയി. പൊലിസ് അന്വേഷണം ആരംഭിച്ചിട്ടുണ്ട്.