റിയോ ഡി ജനീറോ: റിയോ ഒളിംപിക്‌സില്‍ മത്സരങ്ങള്‍ക്ക് ഇന്ന് തുടക്കമാകും. ഔദ്യോഗിക ഉദ്ഘാടനം ശനിയാഴ്ച്ചയാണ്. വനിതാ ഫുട്‌ബോള്‍ മത്സരങ്ങള്‍ക്കാണ് ഇന്ന് തുടക്കമാകുന്നത്.

ഇന്ത്യന്‍ സമയം രാത്രി ഒമ്പതിനാണ് ആദ്യ മത്സരം നടക്കുക. ആദ്യ മത്സരത്തില്‍ ഗ്രൂപ്പ് ഇ യിലെ സ്വീഡന്‍ ദക്ഷിണാഫ്രിക്കയെ നേരിടും. നാളെയാണ് പുരുഷ ഫുട്‌ബോളിന് തുടക്കമാവുക. ഇറാഖും ഡെന്‍മാര്‍ക്കും തമ്മിലാണ് ആദ്യം ഏറ്റുമുട്ടുക. ആദ്യദിനത്തില്‍ തന്നെ ആതിഥേയരായ ബ്രസീല്‍ കളത്തിലിറങ്ങും.