പാപ്പിനിശ്ശേരി: ബസുകളില്‍ പോക്കറ്റടി വ്യാപകമാകുന്നു. ഇന്നലെ രാവിലെ പഴയങ്ങാടി കണ്ണൂര്‍ റൂട്ടിലോടുന്ന ബസില്‍വച്ച് രണ്ടുപേരുടെ പോക്കറ്റിലെ പഴ്‌സുകള്‍ മോഷ്ടിക്കപ്പെട്ടു.
പയ്യന്നൂര്‍ സ്വദേശി ആനന്ദ്, പാപ്പിനിശ്ശേരി സ്വദേശി അജിത്ത് എന്നിവരുടെ പേഴ്‌സുകളാണ് മോഷ്ടിക്കപ്പെട്ടത്. അതേസമയം നഷ്ടപ്പെട്ട പഴ്‌സുകള്‍ ഉച്ചയോടെ പാപ്പിനിശ്ശേരി ഹാജി റോഡിന് സമീപത്തെ കുറ്റിക്കാട്ടില്‍ നാട്ടുകാര്‍ കണ്ടെത്തി. പഴ്‌സിലെ പണം കവര്‍ച്ച ചെയ്ത നിലയിലായിരുന്നു.
ഇത്തരം നിരവധി സംഭവങ്ങളാണ് അടുത്ത ദിവസങ്ങളിലായി ബസുകളില്‍ അരങ്ങേറുന്നതെങ്കിലും പൊലിസ് വിഷയത്തില്‍ വേണ്ടത്ര ശ്രദ്ധ ചെലുത്തുന്നില്ലെന്നാണ് ആക്ഷേപം ഉയരുന്നത്.