ദുബൈ: അഫ്ഗാനിസ്ഥാന്‍ ക്രിക്കറ്റിലെ എക്കാലത്തെയും മികച്ച ഓള്‍റൗണ്ടര്‍മാരിലൊരാളായ മുഹമ്മദ് നബി ടെസ്റ്റില്‍നിന്ന് വിരമിക്കല്‍ പ്രഖ്യാപിച്ചു. ബംഗ്ലാദേശിനെതിരായ ടെസ്റ്റ് മത്സരത്തിനുശേഷം താരം വിരമിക്കും. അഫ്ഗാന്‍ ടീം മാനേജര്‍ നസി ജാര്‍ അബ്ദുര്‍റഹിംസായാണ് ഇക്കാര്യം അറിയിച്ചത്.
പരിമിത ഓവര്‍ ക്രിക്കറ്റില്‍ ശ്രദ്ധപതിപ്പിക്കുന്നതിനായാണ് നബിയുടെ വിരമിക്കല്‍.
അടുത്തകാലത്താണ് അഫ്ഗാനിസ്ഥാന് ടെസ്റ്റ് പദവി ലഭിച്ചത്. ഇതിനുശേഷം കളിച്ച മൂന്ന് ടെസ്റ്റിലും താരം ഇറങ്ങിയിട്ടുണ്ട്. മൂന്നു കളികളിലെ അഞ്ച് ഇന്നിങ്‌സുകളില്‍ നിന്നായി നബി ഇതുവരെ 25 റണ്‍സാണ് നേടിയത്. 4 വിക്കറ്റുകളും വീഴ്ത്തിയിട്ടുണ്ട്. അടുത്തവര്‍ഷം ആസ്‌ത്രേലിയയില്‍ നടക്കാനിരിക്കുന്ന ടി20 ലോകകപ്പില്‍ നബി ടീമിനുവേണ്ടി കളിക്കാനിറങ്ങും.