കൊട്ടാരക്കര: ശുചീകരണ തൊഴിലാളികള്‍ പണി മുടക്കിയതോടെ കഴിഞ്ഞ 6 മാസത്തോളമായി ടൗണിലെ മാലിന്യ നീക്കം നിലച്ചിരിക്കുകയാണ്. വീടുകളില്‍ നിന്നും വ്യാപാര സ്ഥാപനങ്ങളില്‍ നിന്നുമുള്ള മാലിന്യങ്ങള്‍ പൊതുനിരത്തുകളിലേക്ക് വലിച്ചെറിയപ്പെടുകയും ഇത് കെട്ടിക്കിടന്ന് ദുഷിച്ച് നാറുകയും ചെയ്യുന്നു. ദുര്‍ഗ്ഗന്ധം കാരണം കൊട്ടാരക്കര ചന്തയുടെ പരിസരത്തു കുടി പോലും പോകാന്‍ കഴിയാത്ത സ്ഥിതിയാണ്.
ഇറച്ചിമാലിന്യം ഉള്‍പ്പെടെയാണ് ഇവിടെ ഉപേക്ഷിക്കപ്പെടുന്നത്. അഴുകിയ മലിന്യം പൊതുനിരത്തിലേക്ക് ഒലിച്ചിറങ്ങുകയും ചെയ്യുന്നു. കൊട്ടാരക്കരയിലെ ബസ്സ്റ്റാന്‍ഡുകളുടെ സ്ഥിതിയും വ്യത്യസ്തമല്ല.