കൊല്ലം: പോളതയത്തോടിന് സമീപം ദേശീയപാതയില്‍ ഭക്ഷണ അവശിഷ്ടങ്ങള്‍ അടങ്ങിയ മാലിന്യം നിക്ഷേപിച്ചതിന് മുണ്ടയ്ക്കല്‍ കോളജ് നഗറില്‍ മിലന്‍, റോഷന്‍ എന്നിവരേയും കര്‍ബല ജങ്ഷനില്‍ മാലിന്യം നിക്ഷേപിച്ചതിന് അയത്തില്‍ സ്വദേശി ബിജുവിനേയും കൊല്ലം ഈസ്റ്റ് പൊലിസ് അറസ്റ്റുചെയ്തു.
കൊല്ലം സിറ്റി പൊലിസ് കമ്മിഷണര്‍ അജിതാബീഗത്തിന്റെ നേതൃത്വത്തിലുള്ള ഷാഡോ ടീമാണ് ഇവരെ പിടികൂടിയത്.
ഈസ്റ്റ് സി.ഐ മഞ്ചുലാലിന്റെ നേതൃത്വത്തില്‍ എസ്.ഐ ജയകൃഷ്ണന്‍, അഡി. എസ്.ഐ മഹേഷ്പിള്ള, സ്‌പെഷ്യല്‍ ഷാഡോടീം എന്നിവര്‍ ചേര്‍ന്നാണ് ഇവരെ പിടികൂടിയത്.
ഇവര്‍ മാലിന്യം നിക്ഷേപിക്കുന്നതിനായി കൊണ്ടുവന്ന വാഹനം പൊലിസ് കസ്റ്റഡിയിലെടുത്ത് കോടതിയില്‍ ഹാജരാക്കി.