ഷാജഹാന്‍പൂര്‍: മുതിര്‍ന്ന ബി.ജെ.പി നേതാവും മുന്‍ കേന്ദ്രമന്ത്രിയുമായ സ്വാമി ചിന്മയാനന്ദനെതിരെ ലൈംഗിക ആരോപണം ഉന്നയിച്ച നിയമവിദ്യാര്‍ഥിനി പഠിച്ച ഷാജഹാന്‍പൂരിലെ എസ്.എസ് കോളജ് സംഭവം പ്രത്യേക അന്വേഷണ സംഘം (എസ്.ഐ.ടി) സന്ദര്‍ശിച്ചു. 16 അംഗ സംഘമാണ് ഇന്നലെ ചിന്മയാനന്ദ് ഡയറക്ടറായ എസ്.എസ് കോളജിലെത്തിയത്.
ഫോറന്‍സിക്, സൈബര്‍, നിയമ വിദഗ്ധരുള്‍പ്പെടെയുള്ള സംഘം ഇന്നലെ കോളജും ഹോസ്റ്റലും സന്ദര്‍ശിച്ച ശേഷം പെണ്‍കുട്ടിയുടെ വീട്ടിലുമെത്തി. സുപ്രിംകോടതിയുടെ നിര്‍ദേശപ്രകാരമാണ് കേസ് എസ്.ഐ.ടിക്ക് വിട്ടത്. കോടതി നിര്‍ദേശപ്രകാരം എസ്.എസ് കോളജിലെ പഠനം ഉപേക്ഷിച്ച പെണ്‍കുട്ടി നിലവില്‍ മറ്റൊരു സ്ഥാപനത്തിലാണ് പഠിക്കുന്നത്.