മലപ്പുറം: സമസ്ത കേരള ജംഇയ്യത്തുല്‍ ഉലമാ അധ്യക്ഷനും ജാമിഅ നൂരിയ്യ പ്രിന്‍സിപ്പലുമായിരുന്ന കെ.കെ അബൂബക്കര്‍ ഹസ്രത്ത് അവാര്‍ഡ് കോട്ടുമല മൊയ്തീന്‍ കുട്ടി മുസ്‌ലിയാര്‍ക്ക് ഇന്ന് സമര്‍പ്പിക്കും. ജാമിഅ നൂരിയ്യ പൂര്‍വ വിദ്യാര്‍ഥി സംഘടനയായ ഓസ്‌ഫോജ്‌നയുടെ യു.എ.ഇ ഘടകമാണ് അവാര്‍ഡ് ഏര്‍പ്പെടുത്തിയത്. ഉച്ചക്ക് രണ്ടിന് മലപ്പുറം സുന്നിമഹലില്‍ നടക്കുന്ന ചടങ്ങില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ അവാര്‍ഡ് സമര്‍പ്പിക്കും. പരിപാടിയോടനുബന്ധിച്ച് അബദുസ്സലാം ഫൈസി ഒളവട്ടൂര്‍ യുക്തിവാദത്തിന്റെ കുതന്ത്രങ്ങള്‍ എന്ന വിഷയത്തില്‍ പ്രഭാഷണം നടത്തും.
നാട്ടിലുള്ള മുഴുവന്‍ സുന്നി കൗണ്‍സില്‍ പ്രവര്‍ത്തകരും എത്തിച്ചേരണമെന്ന് യു.എ.ഇ സുന്നി കൗണ്‍സില്‍ പ്രസിഡന്റ് പൂക്കോയ തങ്ങള്‍, ജന. സെക്രട്ടറി ഡോ. അബ്ദുറഹിമാന്‍ എന്നിവര്‍ അഭ്യര്‍ഥിച്ചു.