തിരുവനന്തപുരം: അഭിപ്രായ ഭിന്നതയുണ്ടെങ്കില്‍ അതിനെ ആശയം കൊണ്ടാണ് നേരിടേണ്ടതെന്ന് പ്രതിപക്ഷ നേതാവ് രമേശ് ചെന്നിത്തല. അക്രമംകൊണ്ട് നേരിടുന്നത് ഫാസിസമാണ്. സ്വാമി സന്ദീപാനന്ദഗിരിയുടെ ആശ്രമത്തിന് നേരെയുണ്ടായ അക്രമത്തിന് പിന്നില്‍ ബി.ജെ.പി, സംഘ്പരിവാര്‍ ശക്തികളാണെന്ന ആരോപണം ശക്തമാണ്. ഊര്‍ജിത അന്വേഷണം നടത്തി കുറ്റവാളികളെ പിടികൂടി നിയമത്തിന് മുന്നില്‍ കൊണ്ടുവരണം. സ്വാമിക്കെതിരേ ആക്രമണമുണ്ടാകുമെന്ന് ഇന്റലിജന്‍സ് മുന്നറിയിപ്പുണ്ടായിരുന്നിട്ടും അദ്ദേഹത്തിനു മതിയായ സംരക്ഷണം നല്‍കാതിരുന്നത് സര്‍ക്കാരില്‍ നിന്നുണ്ടായ വീഴ്ചയാണെന്നും രമേശ് ചെന്നിത്തല ആരോപിച്ചു.