പയ്യോളി: മൂരാട് പാലത്തിലെ ഗതാഗതക്കുരുക്കില്‍ ജനം വലയുന്നു. ഇന്നലെ പാലത്തില്‍ മണിക്കൂറുകളോളം ഗാതഗതം തടസപ്പെട്ടു. പാലത്തിന്റെ ഇരുവശവും വാഹനങ്ങളുടെ നീണ്ടനിരയാണ്.
അയനിക്കാട് മുതല്‍ പാലം വരെയുള്ള റോഡ് പൊട്ടിപ്പൊളിഞ്ഞ നിലയിലാണ്. പലയിടങ്ങളിലും വലിയ കുഴികള്‍ രൂപപ്പെട്ടിട്ടുണ്ട്. പാലത്തിന്റെ മുകള്‍ ഭാഗവും പൊട്ടിപ്പൊളിഞ്ഞ അവസ്ഥയിലാണ്.
റോഡ് കുണ്ടും കുഴിയുമായതിനാല്‍ ധാരാളം ചെറിയ വാഹനങ്ങള്‍ അപകടത്തില്‍പെടുന്നത് പതിവാണ്.
ബസുകള്‍ അധികവും മണിയൂര്‍ വഴിയാണ് പോകുന്നത്. മൂരാട് പാലത്തിനിടക്ക് ഇറങ്ങേണ്ടവരൊക്കെ ബുദ്ധിമുട്ടുകയാണ്. ഇന്നലെ മൂരാട് മുതല്‍ പയ്യോളി ടൗണ്‍ വരെ ഏറെ നേരം ഗതാഗതം തടസപ്പെട്ടു.
നിരന്തരമായുണ്ടാകുന്ന ഗതാഗതക്കുരുക്കിന് പരിഹാരം കാണാത്തതില്‍ ജനങ്ങള്‍ക്ക് ശക്തമായ പ്രതിഷേധമുണ്ട്.