ഓമശേരി: ഗോവധ നിരോധനം യുക്തിരഹിതമാണെന്നും ബന്ധപ്പെട്ടവര്‍ പ്രസ്തുത നിയമനിര്‍മാണത്തില്‍നിന്നു പിന്മാറണമെന്നും നാസര്‍ ഫൈസി കൂടത്തായി പറഞ്ഞു. എസ്.കെ.എസ്.എസ്.എഫ് കണിയാര്‍കണ്ടം മഹല്ല് കമ്മിറ്റിയുടെ ആഭിമുഖ്യത്തില്‍ നടത്തിയ ബദ്ര്‍ദിന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അലി അക്ബര്‍ തങ്ങള്‍ പ്രാര്‍ഥന നടത്തി. മദ്‌റസാ മാനേജ്‌മെന്റ് അസോസിയേഷന്‍ ജില്ലാ സെക്രട്ടറി മൊയ്തീന്‍ കുട്ടി അധ്യക്ഷനായി. സയ്യിദ് പൂക്കോയ തങ്ങള്‍(ആക്കോട്), കുഞ്ഞാലന്‍കുട്ടി ഫൈസി, ശംസുദ്ദീന്‍ വാഫി, ഈസ ഹൈതമി, ടി.ടി മജീദ്, മൂസ മുസ്‌ലിയാര്‍, പി. ഇബ്രാഹിം, അജാസ് മഖ്ബൂല്‍, കെ.കെ ലിജാസ്, ജുനു മശ്ഹര്‍, മുഹമ്മദ് ഫമീഷ് സംബന്ധിച്ചു.