വടകര: കേരളത്തിന്റെ പ്രിയപ്പെട്ട കഥാകൃത്ത് പുനത്തില്‍ കുഞ്ഞബ്ദുല്ലയുടെ നാമധേയത്തിലുള്ള സാംസ്‌കാരിക കോംപ്ലക്‌സ് വടകരയില്‍ ഒരുവര്‍ഷത്തിനകം പൂര്‍ത്തീകരിക്കുമെന്ന് സാംസ്‌കാരിക വകുപ്പ് മന്ത്രി എ.കെ ബാലന്‍.
അടുത്തവര്‍ഷം ഈ കേന്ദ്രത്തില്‍ വച്ചായിരിക്കണം രണ്ടാം ചരമവാര്‍ഷികം ആചരിക്കേണ്ടതെന്നും മന്ത്രി പറഞ്ഞു. കേരള സാഹിത്യ അക്കാദമിയും പുനത്തില്‍ സ്മാരക ട്രസ്റ്റും സംയുക്തമായി സംഘടിപ്പിച്ച പുനത്തില്‍ അനുസ്മരണം ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. ശബരിമല വിഷയത്തില്‍ സര്‍ക്കാര്‍ എന്ത് തെറ്റാണു ചെയ്തതെന്നും അദ്ദേഹം ചോദിച്ചു.