തിരുവനന്തപുരം: ശബരിമല വിഷയത്തില്‍ ബി.ജെ.പി ദേശീയ അധ്യക്ഷന്‍ അമിത് ഷായുടെ ഭീഷണി വിലപ്പോവില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ശബരി യുവതീ പ്രവേശനം കേരള സര്‍ക്കാര്‍ എടുത്ത തീരുമാനമല്ല. അമിതാ ഷാ നിയമവ്യവസ്ഥയെ വെല്ലു വിളിക്കുകയാണ്. യുദ്ധപ്രഖ്യാപനമാണ് കേരളത്തില്‍ ബി.ജെ.പി നടത്തുന്നതെന്നും അദ്ദേഹം കുറ്റപ്പെടുത്തി.

വിഷയത്തില്‍ എസ്.എന്‍.ഡി.പിയുടെ നിലപാട് സ്വാഗതം ചെയ്ത കോടിയേരി എന്‍.എസ്.എസ് നവോത്ഥാന മൂല്യങ്ങള്‍ ഉയര്‍ത്തിപ്പിടിക്കണമെന്ന് ആഹ്വാനം ചെയ്തു. ആര്‍.എസ്.എസ് അനുകൂല നിലപാട് എന്‍.എസ്.എസ് എടുക്കില്ലെന്നും അദ്ദേഹം പ്രതീക്ഷ പ്രകടിപ്പിച്ചു.

നാമജപത്തിന്റെ പേരില്‍ ആരേയും അറസ്റ്റ് ചെയ്തിട്ടില്ലെന്ന് അദ്ദേഹം വ്യക്തമാക്കി.