ചൊക്ലി: ചൊക്ലി, പെരിങ്ങത്തൂര്‍ ഇലക്ട്രിക് സിറ്റി പരിധിയില്‍ റമദാന്‍ വ്രതാരംഭം മുതല്‍ രാത്രി കാലങ്ങളില്‍ വൈദ്യുതി മുടങ്ങുന്നത് പ്രതിഷേധത്തിന് ഇടയാവുന്നു.
നോമ്പുതുറ സമയത്തെയും രാത്രി കാലങ്ങളിലെ ആരാധന കര്‍മങ്ങള്‍ക്കും തടസമാവുന്ന രീതിയില്‍ വൈദ്യുതി മുടങ്ങുന്നതിനെതിരേ പെരിങ്ങത്തൂര്‍ സെക്ഷന്‍ ഓഫിസ് സബ് എന്‍ജിനിയര്‍ക്ക് യൂത്ത് ലീഗ് പരാതി നല്‍കിയിരുന്നു.
ഇന്നലെ രാവിലെ മുടങ്ങിയ വൈദ്യുതി രാത്രി വൈകിയും വരാത്തതിനാല്‍ നിരവധി കുടുംബങ്ങളും ആരാധനാലയങ്ങളും ജനറേറ്ററുകള്‍ക്ക് വേണ്ടി വാടക സ്റ്റോറുകളെ ആശ്രയിക്കുകയാണ് ചെയ്തത്. അറിയിപ്പുകളില്ലാതെ നിരന്തരമായ വൈദ്യുതി മുടക്കത്തില്‍ യൂത്ത് ലീഗ്, എസ്.കെ.എസ്.എസ്.എഫ് കമ്മിറ്റികള്‍ പ്രതിഷേധിച്ചു.


s