പുല്‍പ്പള്ളി: നിയന്ത്രണം വിട്ട ബൈക്ക് മറിഞ്ഞ് രണ്ട് പേര്‍ക്ക് പരുക്കേറ്റു. പുല്‍പള്ളി കബനിഗിരി സ്വദേശികളായ പുത്തെരുവ് മോഹനന്‍ (37), പഴയതോട്ടം സുന്ദരന്‍ (37) എന്നിവര്‍ക്കാണ് പരുക്കേറ്റത്. കര്‍ണ്ണാടക ബൈരകുപ്പയില്‍ ഇന്നലെ ഉച്ചക്കായിരുന്നു അപകടം. എതിരെ വന്ന വാഹനത്തിന് അരിക് നല്‍കവെ ഇവര്‍ സഞ്ചരിച്ചിരുന്ന ബൈക്ക് റോഡിലെ ഹംപില്‍ തട്ടി മറിയുകയായിരുന്നു.
ഇരുവരുടെയും കാലിനാണ് പരുക്കേറ്റത്. ഇവരെ ജില്ലാ ആശുപത്രിയില്‍ പ്രവേശിപ്പിച്ചു.