ഉബൈദുല്ല റഹ്മാനി

മനാമ: ബഹ്‌റൈന്‍ കെ എം സി സി സ്‌പോര്‍ട്‌സ് വിംഗ് സംഘടിപ്പിക്കുന്ന കെ എം സിസി സോക്കര്‍ ലീഗ് 2018 സീസണ്‍ 4 മത്സരം നവംബര്‍ 29 മുതല്‍ ഡിസംബര്‍ 7 വരെ സിഞ്ച് അല്‍ അഹ്‌ലി സ്റ്റേഡിയത്തില്‍ വെച്ച് നടക്കുമെന്ന് ഭാരവാഹികള്‍ അറിയിച്ചു.

മുന്‍ കാലങ്ങളില്‍ നിന്നും വ്യത്യസ്തമായി ഇത്തവണത്തെ മത്സരത്തില്‍ ബഹ്‌റൈനിലെ പ്രമുഖ ക്ലബുകളെ ഉള്‍പ്പെടുത്തും. ആദ്യം രജിസ്റ്റര്‍ ചെയ്യുന്ന 16 ടീമുകള്‍ക്കായിരിക്കും ടൂര്‍ണമെന്റില്‍ പങ്കെടുക്കാന്‍ അവസരം ലഭിക്കുക.

ടൂര്‍ണമെന്റുമായി ബന്ധപ്പെട്ടു കെഎംസിസി ഓഫിസില്‍ നടന്ന യോഗത്തില്‍ മൊയ്തീന്‍കുട്ടി കൊണ്ടോട്ടി അധ്യക്ഷത വഹിച്ചു. അസ്‌ലം വടകര, ഇക്ബാല്‍ താനൂര്‍,പിവി മന്‍സൂര്‍, ഫൈസല്‍ കണ്ടിത്താഴെ, ശാഫി കൊട്ടക്കല്‍, സാദിഖ് സ്‌കൈ, ഷമീര്‍ ടൂറിസ്റ്റ്, ഹുസൈന്‍ വടകര എന്നിവര്‍ പങ്കെടുത്ത യോഗത്തില്‍ അഷ്‌കര്‍ വടകര സ്വാഗതവും ഉമ്മര്‍ മലപ്പുറം നന്ദിയും പറഞ്ഞു.

കൂടുതല്‍ വിവരങ്ങള്‍ക്കും ടീം രജിസ്‌ട്രേഷനും ബന്ധപ്പെടുക 0097336622399,33620009,33931994,33495982