ടെഹ്‌റാന്‍: ഇന്ത്യാ വിരുദ്ധ പ്രവര്‍ത്തനങ്ങള്‍ക്കായി നയതന്ത്ര ആസ്ഥാനം ഉപയോഗിച്ചതിന് പാകിസ്താനെതിരെ ശക്തമായ താക്കീതുമായി ഇറാന്‍.
ഓഗസ്റ്റ് 15ന് അര്‍ധരാത്രിയില്‍ വടക്കുകിഴക്കന്‍ നഗരമായ മഷാദിലെ പാകിസ്ഥാന്‍ നയതന്ത്ര ആസ്ഥാനത്തെ ചുമരുകളില്‍ നിന്ന് 'കശ്മിര്‍ സോളിഡാരിറ്റി ഡേ' എന്ന ഇന്ത്യാ വിരുദ്ധ ബാനറുകള്‍ മഷാദിലെ പൊലിസ് നീക്കം ചെയ്തു.
മൂന്നാം രാജ്യത്തിനെതിരേ ഇത്തരം ബാനറുകള്‍ ഇടുന്നത് നയതന്ത്ര മാനദണ്ഡങ്ങള്‍ക്ക് വിരുദ്ധമാണെന്ന് ഇറാന്‍ പറഞ്ഞു. പാകിസ്താന്‍ ഒരു സഹോദരരാജ്യമാണെങ്കിലും ഇന്ത്യ ശത്രുവല്ലെന്നും ഇറാന്‍ വ്യക്തമാക്കി.
കശ്മീരിനെ കുറിച്ചുളള നിലപാടില്‍ മാറ്റമില്ലെന്ന് ഇറാന്‍ ആവര്‍ത്തിച്ചു.