മേപ്പാടി: രണ്ട് ദിവസത്തെ തുടര്‍ച്ചയായ മഴയെ തുടര്‍ന്ന് കിണര്‍ ഇടിഞ്ഞു താഴ്ന്നു.
കുന്നമ്പറ്റ എട്ടാം നമ്പര്‍ കുന്നുമ്മല്‍ ഖദീജയുടെ വീട്ടിലെ കിണറാണ് ഇടിഞ്ഞു താഴ്ന്നത്. ഇന്നലെ വൈകിട്ട് നാലോടെയായിരുന്നു സംഭവം. 22 റിങ് താഴ്ചയുള്ള കിണര്‍ പൂര്‍ണമായും ഇടിഞ്ഞ് താഴുകയായിരുന്നു. വീടിന് മീറ്ററുകള്‍ മാത്രം അകലെയുള്ള കിണറായതിനാല്‍ വീടിനും ഭീഷണിയായിട്ടുണ്ട്.
ഉചിതമായ നഷ്ടപരിഹാരം ലഭിക്കണമെന്നാവശ്യപ്പെട്ട് ഖദീജ വില്ലേജ് ഓഫിസില്‍ പരാതിപ്പെട്ടു. നിര്‍ധന കുടുംബമാണ് ഖദീജയുടേത്. പഞ്ചായത്തില്‍ നിന്നു ലഭിച്ച വീട്ടിലാണ് ഖദീജയും കുടുംബവും താമസിക്കുന്നത്.
കിണര്‍ ഇടിഞ്ഞ് താണതോടെ ഇനി എന്ത് ചെയ്യണമെന്നറിയാത്ത അവസ്ഥയിലാണ് ഇവര്‍.