കൊണ്ടോട്ടി: മസ്‌ക്കറ്റില്‍ നിന്ന് കരിപ്പൂര്‍ വിമാനത്താവളത്തിലെത്തിയ യാത്രക്കാരനില്‍ നിന്ന് 44.98 ലക്ഷം രൂപ വിലവരുന്ന 1,399 ഗ്രാം സ്വര്‍ണം പിടികൂടി.
രാവിലെ 7.30ന് മസ്‌കറ്റില്‍ നിന്നുള്ള ഒമാന്‍ എയര്‍ വിമാനത്തില്‍ കരിപ്പൂരിലെത്തിയ കോഴിക്കോട് താമരശ്ശേരി സ്വദേശിയില്‍ നിന്നാണ് സ്വര്‍ണം പിടികൂടിയത്. ബാഗേജിനുള്ളില്‍ മൂന്ന് എമര്‍ജന്‍സി ലൈറ്റുകള്‍ക്കുള്ളിലായാണ് സ്വര്‍ണം ഒളിപ്പിച്ചിരുന്നത്. കസ്റ്റംസ് അസി. കമ്മിഷണര്‍ നിഥിന്‍ ലാലിന്റെ നേതൃത്വത്തിലുള്ള സംഘമാണ് സ്വര്‍ണം പിടികൂടിയത്.