വടക്കാഞ്ചേരി: കേരളത്തിന്റെ ആയോധന കലയുടെ വിസ്മയ അവതരണത്തിലലിഞ്ഞ് കാക്കിനിക്കാട് ഗവണ്‍മെന്റ് ട്രൈബല്‍ എല്‍.പി സ്‌കൂളിലെ കുരുന്നുകളും, അധ്യാപകരും, രക്ഷിതാക്കളും നാട്ടുകാരും. പൊന്നാനി വി.പി.എസ് കളരി സംഘത്തിന്റെ നേതൃത്വത്തില്‍ നടന്ന കളരി പയറ്റ് അഭ്യാസത്തിനോടൊപ്പം കളരിയുടെ അവതരണ രീതിയെ കുറിച്ച് ക്ലാസും നടന്നു.
കളരിയാശാന്‍ ഷൈജുവും, സംഘവും നേതൃത്വം നല്‍കി. പഞ്ചായത്ത് പ്രസിഡന്റ് എം.കെ ശ്രീജ ഉദ്ഘാടനം ചെയ്തു. മെമ്പര്‍ വി.ജി സുരേഷ് അധ്യക്ഷനായി. ആശാനേയും, സംഘാംഗങ്ങളേയും ചടങ്ങില്‍ വെച്ച് അനുമോദിച്ചു.