തിരുവനന്തപുരം: ശബരിമല തീര്‍ഥാടനകാലത്ത് കെ.എസ്.ആര്‍.ടി.സി ചാര്‍ജ് വര്‍ധിപ്പിക്കില്ലെന്ന് എം.ഡി ടോമിന്‍ ജെ. തച്ചങ്കരി. ടിക്കറ്റുകള്‍ പൂര്‍ണമായും ഡിജിറ്റല്‍ രൂപത്തിലാക്കും. ഓണ്‍ലൈനായും കിയോസ്‌കുകള്‍ വഴിയും ടിക്കറ്റുകളെടുക്കാം. പത്തനംതിട്ടയെ പ്രധാന സ്റ്റേഷനാക്കി പ്രവര്‍ത്തനം ക്രമീകരിക്കും. നിര്‍മാണം ഇഴഞ്ഞുനീങ്ങുന്ന പത്തനംതിട്ട ടെര്‍മിനലിന്റെ പണി ഉടന്‍ പൂര്‍ത്തീകരിക്കാന്‍ നിര്‍ദേശം നല്‍കിയിട്ടുണ്ട്.ഓരോ മിനുട്ട് ഇടവിട്ട് നിലയ്ക്കലില്‍ നിന്ന് കെ.എസ്.ആര്‍.ടി സി സര്‍വിസ് നടത്തും. വി.ഐ.പികള്‍ക്ക് പ്രത്യേക വാഹനം ഒരുക്കും. ഓരോ നാല് മണിക്കൂറിലും പതിനായിരം തീര്‍ഥാടകരെ പമ്പയിലെത്തിക്കും. 10 ഇലക്ട്രിക് ബസുകള്‍ പരീക്ഷണാടിസ്ഥാനത്തില്‍ ഉണ്ടാകുമെന്നും തച്ചങ്കരി പറഞ്ഞു.