തിരൂരങ്ങാടി: റോഡില്‍ മാലിന്യം തള്ളിയെന്ന പരാതിയില്‍ യുവാവിനെതിരേ പൊലിസ് കേസെടുത്തു. കൊടിഞ്ഞി കുറൂല്‍ ഊര്‍പ്പായി മുഹമ്മദലി (42 )യെയാണ് തിരൂരങ്ങാടി പൊലിസ് അറസ്റ്റ് ചെയ്തത്.
ഇന്നലെ രാവിലെ ഒന്‍പതോടെ കരിപറമ്പ് കോട്ടുവലക്കാട് റോഡിലാണ് സംഭവം. ഗുഡ്‌സ് ഓട്ടോയില്‍ മാലിന്യവുമായി എത്തിയ ഇയാളെ നാട്ടുകര്‍ കൈയോടെ പിടികൂടുകയായിരുന്നു. തുടര്‍ന്ന് റോഡില്‍തള്ളിയ മാലിന്യം നാട്ടുകര്‍ പ്രതിയുടെ ചെലവില്‍ത്തന്നെ ശുചീകരിച്ചു.