തിരൂരങ്ങാടി: 'ബാലസൗഹൃദ ദേശത്തിനായി എന്റെയൊരു കൈയൊപ്പ്' എന്ന പേരില്‍ തിരൂരങ്ങാടി പി.എസ്.എം.ഒ കോളജ് എന്‍.എസ്.എസ് യൂനിറ്റുകളും മലപ്പുറം ചൈല്‍ഡ് ലൈനും സംയുക്തമായി ഒപ്പുശേഖരണം നടത്തി. കക്കാട് ടൗണില്‍ നടത്തിയ പരിപാടി തിരൂരങ്ങാടി മുനിസിപ്പല്‍ ചെയര്‍പേഴ്‌സണ്‍ കെ.ടി റഹീദ ഉല്‍ഘാടനം ചെയ്തു. പി.എസ്.എം.ഒ കോളജ് പ്രിന്‍സിപ്പല്‍ ഡോ. കെ അസീസ് അധ്യക്ഷനായി.
തുടര്‍ന്ന് പൊതുസമൂഹത്തില്‍ ബാലികാബാലന്‍മാര്‍ക്കെതിരേയുള്ള അതിക്രമങ്ങളെക്കുറിച്ച് ഏകദിന ശില്‍പശാലയും സംഘടിപ്പിച്ചു. ഓഡിറ്റോറിയത്തില്‍ നടന്ന പരിപാടിയില്‍ ചൈല്‍ഡ് ലൈന്‍ മലപ്പുറം ജില്ലാ കോ ഓഡിനേറ്റര്‍ സി.പി സലീം ക്ലാസെടുത്തു. പി കബീറലി, ജിനി, സാലിക്, ദിയാനാ ഫസല്‍, അര്‍ഷക് എന്നിവര്‍ സംസാരിച്ചു.