തൃശൂര്‍: വടക്കേക്കാട് പഞ്ചായത്തിലെ ഞമനേങ്ങാട്, ദേശമംഗലം പഞ്ചായത്തിലെ പല്ലൂര്‍ ഈസ്റ്റ് വാര്‍ഡുകളിലെ ഉപതെരഞ്ഞെടുപ്പിനുള്ള അന്തിമ വോട്ടര്‍ പട്ടിക ഓഗസ്റ്റ് 31 ന് പ്രസിദ്ധികരിക്കും. കരട് വോട്ടര്‍ പട്ടിക നാളെയും പ്രസിദ്ധീകരിക്കും.
വോട്ടര്‍ പട്ടികയില്‍ എന്തെങ്കിലും ആക്ഷേപമുണ്ടെങ്കില്‍ ഓഗസ്റ്റ് 20 നകം അപേക്ഷ സമര്‍പ്പിക്കണം. 2016 ജനുവരി 1 ന് 18 വയസ്സ് തികഞ്ഞവരെയാണ് പട്ടികയില്‍ ഉള്‍പ്പെടുത്തുന്നത്.
പല്ലൂര്‍ ഈസ്റ്റില്‍ അംഗമായിരുന്ന യു.ആര്‍. പ്രദീപ്കുമാര്‍ നിയമസഭയിലേക്ക് തെരഞ്ഞെടുക്കപ്പെട്ടതിനെ തുടര്‍ന്നാണ് ഒഴിവ് വന്നത്. ഞമനേങ്ങാട് പ്രതിനിധി അസുഖം മൂലം രാജിവെക്കുകയായിരുന്നു.