കയ്പമംഗലം: ചെന്ത്രാപ്പിന്നി കണ്ണംപുള്ളിപ്പുറത്ത് നിയന്ത്രണംവിട്ട കാറിടിച്ച് റോഡരികില്‍ ബസ് കാത്തിരുന്ന രണ്ട് പേര്‍ക്ക് പരുക്കേറ്റു. കണ്ണംപുള്ളിപ്പുറം സ്വദേശികളായ എടശ്ശേരി വീട്ടില്‍ ചന്ദ്രന്‍(62), കൊരട്ടില്‍ മോഹനന്‍ ഭാര്യ പ്രസന്ന(62) എന്നിവര്‍ക്കാണ് പരുക്കേറ്റത്. ഇവരെ ചുലൂര്‍ മഹല്ല് ആംബുലന്‍സ് പ്രവര്‍ത്തകര്‍ ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ എട്ടു  മണിയോടെയായിരുന്നു അപകടം. എടത്തിരുത്തി പുളിഞ്ചോടു നിന്നും ചെന്ത്രാപ്പിന്നിയിലേക്ക് പോയിരുന്ന കാറാണ് അപകടത്തില്‍പ്പെട്ടത്.
അമിതവേഗത്തില്‍ എത്തിയ കാര്‍ പെട്ടെന്ന് ബ്രേക്കിട്ടതിനെ തുടര്‍ന്ന് നിയന്ത്രണംവിട്ട് റോഡരികില്‍ നിന്നിരുന്നവരുടെ ദേഹത്തും തൊട്ടടുത്ത മതിലിലും ഇടിക്കുകയായിരുന്നു. ഇടിയുടെ ആഘാതത്തില്‍ സമീപവാസിയായ പട്ടാലി രവിമാസ്റ്ററുടെ വീട്ടുമതില്‍ ഭാഗിഗമായി തകര്‍ന്നു.