മലപ്പുറം: എല്‍.ഡി.എഫ് സര്‍ക്കാര്‍ നടപ്പിലാക്കിയ മദ്യനയത്തില്‍ പ്രതിഷേധിച്ചു 15നു നിയോജക മണ്ഡലം കേന്ദ്രങ്ങളില്‍ യു.ഡി.എഫ് ജനകീയ സദസ് സംഘടിപ്പിക്കും. ജൂലൈ ഒന്നിനു മലപ്പുറം കലക്ടറേറ്റിലേക്കു മാര്‍ച്ച് നടത്താനും ഇന്നലെ ചേര്‍ന്ന യു.ഡി.എഫ് ജില്ലാ കമ്മിറ്റി യോഗം തീരുമാനിച്ചു.
നിയോജക മണ്ഡലം യു.ഡി.എഫ് യോഗങ്ങള്‍ 17, 18 തിയതികളില്‍ രാവിലെ 11നു നടക്കും.
പൊന്നാനി, തവനൂര്‍, കോട്ടക്കല്‍, തിരൂര്‍, താനൂര്‍, തിരൂരങ്ങാടി, വള്ളിക്കുന്ന്, വേങ്ങര മണ്ഡലങ്ങളില്‍ 17നും കൊണ്ടോട്ടി, മലപ്പുറം, മങ്കട, പെരിന്തല്‍മണ്ണ, ഏറനാട്, വണ്ടൂര്‍, നിലമ്പൂര്‍, മഞ്ചേരി മണ്ഡലങ്ങളില്‍ 18നും യോഗങ്ങള്‍ ചേരും. ജില്ലാ കമ്മിറ്റി യോഗം നിയുക്ത എം.പി പി.കെ കുഞ്ഞാലികുട്ടി ഉദ്ഘാടനം ചെയ്തു.