ചാവക്കാട്: തൊഴിയൂര്‍ ഉസ്താദ് ആണ്ടു നേര്‍ച്ച ഞായറാഴ്ച നടക്കുമെന്ന് ഭാരവാഹികള്‍  അറിയിച്ചു. രാവിലെ ഒന്‍പതിന് നടക്കുന്ന മഖാം സിയാറത്തിന് കോഴിക്കാട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ നേതൃത്വം നല്‍കും.
 10 മണിക്ക് ഖത്മുല്‍ ഖുര്‍ആന്‍ ദുആ മജ്‌ലിസ് നടക്കും. ഉച്ചക്ക് രണ്ടിന് നടക്കുന്ന ആദര്‍ശ സമ്മേളനം സമസ്ത മുശാവറ അംഗം എസ്.എം.കെ തങ്ങള്‍ ഉദ്ഘാടനം ചെയ്യും.
വൈകീട്ട് നാലിന് അനുസ്മരണ സമ്മേളനം പാണക്കാട് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യുമെന്ന്  ദാറു റഹ്മ യതീംഖാന വൈസ് പ്രസിഡന്റ് എന്‍ ടി ഹംസ ഹാജി, ജനറല്‍ സെക്രട്ടറി എന്‍.പി അബ്ദുല്‍ കരീം ഫൈസി, റഹ്മത്ത് പൂര്‍വ വിദ്യാര്‍ഥി സംഘടന പ്രസിഡന്റ് വി എം ഇല്യാസ് ഫൈസി എന്നിവര്‍ അറിയിച്ചു.