ബെര്‍ലിന്‍: ഇന്ത്യയെ തോല്‍പ്പിച്ച് പാകിസ്താന്റെ മുന്നേറ്റം. കഞ്ചാവ് ഉപയോഗത്തില്‍ പത്ത് രാജ്യങ്ങളിലെ വന്‍ നഗരങ്ങളെ തെരഞ്ഞടുത്തതിലാണ് ന്യൂഡല്‍ഹിക്കുമുകളില്‍ പാകിസ്താനിലെ കറാച്ചി ഇടം നേടിയത്. ലോകത്ത് കഞ്ചാവ ് ഉപയോഗിക്കുന്ന പത്ത് നഗരങ്ങളില്‍ ന്യൂയോര്‍ക്കാണ് ഒന്നാം സ്ഥാനത്ത്. രണ്ടാം സ്ഥാനമാണ് കറാച്ചിക്കുള്ളത്. തൊട്ടുപിന്നിലായി ന്യൂഡല്‍ഹിയും ഇടം പിടിച്ചു.
ലോസ് ഏഞ്ചല്‍സ്, കൈറോ, മുംബൈ, ലണ്ടന്‍, ചിക്കാഗോ, മോസ്‌കോ, ടൊറന്‍ഡോ എന്നീ നഗരങ്ങളാണ് നാലുമുതല്‍ പത്ത് വരേ സ്ഥനങ്ങളിലുള്ളത്. 38.8 ടണ്‍ കഞ്ചാവാണ് ഡല്‍ഹില്‍ ഉപയോഗിക്കുന്നതെങ്കില്‍ ആറാം സ്ഥാനത്തുള്ള മുംബൈ 32.4 ടണ്‍ കഞ്ചാവാണ് പുകയ്ക്കുന്നത്. ഒന്നാം സ്ഥാനത്തുള്ള ന്യൂയോര്‍ക്ക് 77.4 ടണ്‍ കഞ്ചാവാണ് ഒരു വര്‍ഷം ഉപയോഗിക്കുന്നത്. കറാച്ചി 42 ടണ്‍ ഉപയോഗിക്കുന്നു.ജര്‍മന്‍ ആസ്ഥാനമായി പ്രവര്‍ത്തിക്കുന്ന എ.ബി.സി.ഡിയാണ് പഠനം നടത്തിയത്.