അടുത്തസാമ്പത്തിക വര്‍ഷത്തില്‍ നടപ്പാക്കേണ്ട 69.51 കോടി രൂപയുടെ കരട് പദ്ധതികള്‍ക്കാണ് ഇന്നലെ ചേര്‍ന്ന കോര്‍പറേഷന്‍ കൗണ്‍സില്‍ യോഗം അംഗീകാരം നല്‍കിയത്. പുതിയ പദ്ധതികള്‍ക്കു പുറമെ കഴിഞ്ഞ സാമ്പത്തികവര്‍ഷത്തില്‍ പൂ
ര്‍ത്തിയാക്കാന്‍ ബാക്കിയുള്ള 28.57 കോടി രൂപയുടെ സ്പില്‍ ഓവര്‍ പദ്ധതികളും അടുത്ത വര്‍ഷത്തെ പദ്ധതികളിലേക്ക് മാറ്റി. ആരോഗ്യം, ശുചിത്വം 1.85 കോടി, ഹോമിയോ 13.30 ലക്ഷം, പെയിന്‍ ആന്‍ഡ് പാലിയേറ്റിവ് 36.60 ലക്ഷം, കൃഷി 1.41 കോടി, മത്സ്യമേഖല 48 ലക്ഷം, വിദ്യാഭ്യാസം 51 ലക്ഷം, വിദ്യാഭ്യാസ സ്ഥാപനങ്ങളിലെ മരാമത്ത് പണികള്‍ 70 ലക്ഷം, പ്രാദേശിക വികസനം ഒന്‍പത് ലക്ഷം, ക്ഷീര, മൃഗസംരക്ഷണം 47.22 ലക്ഷം, ഭരണനവീകരണം 45ലക്ഷം എന്നിങ്ങനെയാണ് ഓരോ വിഭാഗത്തിലും തയാറാക്കിയ പദ്ധതികള്‍ക്കായി നീക്കിവച്ച വിഹിതം. ഇതിനുപുറമേ ജി.ഐ.എസ് മാപ്പിങ് നടത്താനുള്ള പദ്ധതിക്കും കൗണ്‍സില്‍ അംഗീകാരം നല്‍കി. ഇതിന് തുക വകയിരുത്തിയിട്ടില്ല. 1.15 കോടിയോളം രൂപ ഇതിന്
ചെലവുവരുമെന്നാണ് കരുതുന്നത്.