മനാമ: ബഹ്‌റൈന്‍ കെ എം സി സി കോഴിക്കോട് ജില്ലാ കമ്മിറ്റി സംഘടിപ്പിച്ച സി. എച്ച് അനുസ്മരണ സമ്മേളന ചിത്ര രചനാ മത്സരത്തില്‍ വിജയികളായവരെ പ്രഖ്യാപിച്ചു.

പ്രളയം നിങ്ങളുടെ ദൃഷ്ടിയില്‍ എന്ന വിഷയത്തില്‍ സീനിയര്‍, ജൂനിയര്‍ വിഭാഗങ്ങളിലായാണ് മത്സരം നടന്നത്. മത്സരത്തില്‍ നിരവധി വിദ്യാര്‍ത്ഥിവിദ്യാര്‍ത്ഥിനികള്‍ പങ്കെടുത്തു.

സീനിയര്‍ വിഭാഗത്തില്‍ മുഹമ്മദ് ജസീര്‍ ഒന്നാം സ്ഥാനവും, നാജിയ നസ്‌റീന്‍ രണ്ടാം സ്ഥാനവും, മെഹന പ്രവീന്‍ മൂന്നാം സ്ഥാനവും നേടി.

ജൂനിയര്‍ വിഭാഗത്തില്‍ ദേവ്‌ന പ്രവീണ്‍ ഒന്നാം സ്ഥാനവും, അദീബ് കെ ടി രണ്ടാം സ്ഥാനവും, നജാന്‍ നഹാന്‍ മൂന്നാം സ്ഥാനവും കരസ്ഥമാക്കി.

ഫൈസല്‍ കോട്ടപ്പള്ളി, ജെ.പി.കെ ജലീല്‍, ഷാഫി വേളം, സിദ്ധീഖ് കായണ്ണ, ഷഹീര്‍ മൂരാട് എന്നിവര്‍ പരിപാടിക്ക് നേതൃത്വം നല്‍കി. വിജയികളെ കോഴിക്കോട് ജില്ലാ കെ.എം.സി.സി കമ്മറ്റി അനുമോദിച്ചു.