കണ്ണൂര്‍: പൊലിസ് മൈതാനിയില്‍ ജില്ലാ സ്‌പോര്‍ട്‌സ് കൗണ്‍സില്‍ ഓഫ് ഡഫിന്റെ നേതൃത്വത്തില്‍ സംഘടിപ്പിച്ച 14ാമത് ജില്ലാ ബധിര-മൂക കായികമേളയില്‍ തളിപ്പറമ്പ് ഡോണ്‍ബോക്‌സ്‌കോ 182 പോയിന്റുകള്‍ നേടി ചാംപ്യന്‍മാരായി. 155 പോയിന്റുകളുമായി ഇരിട്ടി ചവറ നിവാ സ്‌പെഷല്‍ സ്‌കൂള്‍ രണ്ടാമതായി. 16 വയസിനു മുകളിലുള്ളവര്‍ക്കുള്ള മത്സരങ്ങളില്‍ എന്‍.കെ അഞ്ജനയും എന്‍ രതീഷും വ്യക്തിഗത ചാംപ്യന്മാരായി.
16 വയസിന് താഴെയുള്ളവര്‍ക്കുള്ള മത്സരത്തില്‍ അക്ഷര വിന്‍സെന്റ്, അനഘ, രമിജ, അംജിത്ത്, ജോയി ജോസഫ്, സജിത്ത് എന്നിവരും വ്യക്തിഗത ചാംപ്യന്‍മാരായി. കായികമേള സംഘാടക സമിതി വൈസ് ചെയര്‍മാന്‍ എം രാഘവന്‍ ഉദ്ഘാടനം ചെയ്തു. കണ്‍വീനര്‍ എം.എന്‍ അബ്ദുല്‍ റഷീദ് അധ്യക്ഷനായി. കെ.എ ഫസല്‍ മുഹമ്മദ് സമ്മാനദാനം നിര്‍വഹിച്ചു. ദേവരാജ്, റിയാസ്, സുനില്‍കുമാര്‍, ബെഞ്ചമിന്‍, അബ്ദുല്‍ സലാം സംസാരിച്ചു.