തിരുവനന്തപുരം: മില്‍മ തിരുവനന്തപുരം മേഖലാ സഹകരണ ക്ഷീരോല്‍പ്പാദക യൂനിയന്‍ ഏര്‍പ്പെടുത്തിയ നന്ദിയോട് രാജന്‍ സ്മാരക പുരസ്‌കാരം ഇ. ശ്രീധരന്. 25,000 രൂപയും ഫലകവും അടങ്ങുന്നതാണ് പുരസ്‌കാരമെന്ന് മില്‍മാ ചെയര്‍മാന്‍ കല്ലട രമേശ് വാര്‍ത്താസമ്മേളനത്തില്‍ പറഞ്ഞു. ഏറ്റവും മികച്ച ക്ഷീര സംഘങ്ങള്‍ക്കുള്ള കോയിവിള വിജയന്‍ സ്മാരക ട്രോഫിയും കാഷ് അവാര്‍ഡും വെച്ചൂച്ചിറ ക്ഷീരോല്‍പ്പാദക സഹകരണ സംഘത്തിനും ഏറ്റവും നല്ല ഉല്‍പ്പാദകനുള്ള വി. ഭാസ്‌കരന്‍ നായര്‍ സ്മാരക കാഷ് അവാര്‍ഡ് ജെ.എസ് സജുവിനും ( ഉച്ചക്കട ക്ഷീരോല്‍പ്പാദക സഹകരണ സംഘം) ചടങ്ങില്‍ സമ്മാനിക്കും.