കിനാലൂര്‍: ബാലുശ്ശേരിയിലും പരിസര പ്രദേശങ്ങളിലും ഉടലെടുത്ത സംഘര്‍ഷങ്ങള്‍ക്കും അക്രമങ്ങള്‍ക്കും അറുതി വരുത്തി സമാധാനം പുനഃസ്ഥാപിക്കാന്‍ പൊലിസും രാഷ്ടീയ കക്ഷികളും മുന്നിട്ടിറങ്ങണമെന്ന് മുസ്‌ലിം യൂത്ത് ലീഗ് ബാലുശ്ശേരി നിയോജകമണ്ഡലം കൗണ്‍സില്‍ സംഗമം ആവശ്യപ്പെട്ടു. സമാധാന ശ്രമങ്ങള്‍ക്ക് മുസ്‌ലിം ലീഗ് നിയോജക മണ്ഡലം കമ്മിറ്റി നടത്തുന്ന പ്രവര്‍ത്തനങ്ങള്‍ക്ക് യൂത്ത് ലീഗ് പിന്തുണ പ്രഖ്യാപിച്ചു.
പ്രസിഡന്റ് ടി. നിസാര്‍ അദ്ധ്യക്ഷനായ ചടങ്ങില്‍ പുതുതായി തിരഞ്ഞടുത്ത നിയോജക മണ്ഡലം മുസ്‌ലിം ലീഗ് ഭാരവാഹികള്‍ കെ.എച്ച്. എസ്.ടി.യു സംസ്ഥാന പ്രസിഡന്റ് എന്നിവര്‍ക്കുള്ള സ്വീകരണവും ഇഫ്താര്‍ വിരുന്നും സംഘടിപ്പിച്ചു. യൂത്ത് ലീഗ് സീനിയര്‍ വൈസ് പ്രസിഡന്റ് നജീബ് കാന്തപുരം ഉദ്ഘാടനം ചെയ്തു. ജില്ലാ പ്രസിഡന്റ് സാജിദ് നടുവണ്ണൂര്‍ മുഖ്യ പ്രഭാഷണം നടത്തി.
നിയോജക മണ്ഡലം ലീഗ് പ്രസിഡന്റ് നാസര്‍ എസ്റ്റേറ്റ് മുക്ക്, ജനറല്‍ സെക്രട്ടറി ഷുക്കൂര്‍ തയ്യില്‍, ട്രഷറര്‍ സാജിത് കോറോത്ത്, കെ.എച്ച്.എസ്.ടി.യു സംസ്ഥാന പ്രസിഡന്റ് നിസാര്‍ ചേലേരി,ബ്ലോക്ക് പഞ്ചായത്ത് മെംബര്‍മാരായ കെ. അഹമ്മദ് കോയ മാസ്റ്റര്‍, ഉസ്മാന്‍ മാസ്റ്റര്‍, സി.പി ബഷീര്‍, നിയോജക മണ്ഡലം ലീഗ് ഭാരവാഹികളായ വി.കെ.സി ഉമര്‍ മൗലവി, എം.കെ അബ്ദുസമദ് പൂനത്ത്, സലാം മാസ്റ്റര്‍ കായണ്ണ, കെ.സി ബഷീര്‍ മാസ്റ്റര്‍, എം.കെ ജലീല്‍, മുസ്‌ലിം ലീഗ് പഞ്ചായത്ത് പ്രസിഡന്റ് സെക്രട്ടറിമാരായ ടി. ഇബ്രാഹിം കുട്ടി മാസ്റ്റര്‍, അഷറഫ് പുതിയപ്പുറം, റഹിം എടത്തില്‍, ഹക്കിം മാസ്റ്റര്‍ കൂനഞ്ചേരി, പി.സി അസൈനാര്‍, വി.പി പോക്കര്‍ കുട്ടി മാസ്റ്റര്‍, കെ.ടി.കെ ഹമീദ്, ഷാഹുല്‍ ഹമീദ് നടുവണ്ണൂര്‍, ജി.സി.സി കെ.എം.സി.സി ബാലുശ്ശേരി നിയോജക മണ്ഡലം പ്രസിഡന്റ് കുഞ്ഞമ്മദ് കായണ്ണ, ജനറല്‍ സെക്രട്ടറി ബഷീര്‍ കുന്നുമ്മല്‍, നിയോജക മണ്ഡലം യൂത്ത് ലീഗ് ഭാരവാഹികളായ ഒ.കെ നവാസ്, ഷാഫി കൂനഞ്ചേരി, സിദ്ധീഖ് സ്‌കൈവെ, ഫൈസല്‍ എടവന, നിസാര്‍ കൊളക്കാട് ,സി.കെ സക്കീര്‍ സംബന്ധിച്ചു.
മര്‍കസ് സമരത്തില്‍ ജയില്‍ വാസം അനുഭവിച്ച എം.എസ്.എഫ് പ്രവര്‍ത്തകരായ മുഹമ്മദ് മിര്‍ഷാദ്, മുഹമ്മദ് ഷാനിദ് എന്നിവരെ ചടങ്ങില്‍ ഷാളണിയിച്ച് സ്വീകരിച്ചു. ജനറല്‍ സെക്രട്ടറി സിറാജ് ചിറ്റേടത്ത് സ്വാഗതവും ട്രഷറര്‍ പി.എച്ച് ഷമീര്‍ നന്ദിയും പറഞ്ഞു.