കോഴിക്കോട്: വരുമാനത്തിന്റെ ഏറ്റക്കുറച്ചിലുകള്‍ മാത്രമായി വിലയിരുത്തേണ്ടതല്ല മദ്യനിരോധനമെന്നും അതിലും വലുതാണ് ആരോഗ്യമെന്നും മുസ്‌ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ.ടി മുഹമ്മദ് ബഷീര്‍ എം.പി. കോഴിക്കോട് ജില്ലാ കോണ്‍ഗ്രസ് കമ്മിറ്റി ഓഫിസില്‍ യു.ഡി.എഫ് നേതൃയോഗം ഉദ്ഘാടനം ചെയ്യുകയായിരുന്നു അദ്ദേഹം.
അബ്കാരി ബന്ധത്തിലൂടെയാണ് എല്‍.ഡി.എഫ് അധികാരത്തിലെത്തിയത്. കള്ളിന്റെ മറവില്‍ മറ്റുലഹരി ഉല്‍പന്നങ്ങളും വിറ്റഴിക്കാനുള്ള സൗകര്യമാണ് ഇതിലൂടെ നല്‍കുന്നത്. മയക്കുമരുന്ന് ഉപയോഗം വര്‍ധിക്കുന്നത് മദ്യം നിരോധിച്ചതുകൊണ്ടല്ലെന്നും അദ്ദേഹം ചൂണ്ടിക്കാട്ടി. അഡ്വ.പി.ശങ്കരന്‍ അധ്യക്ഷനായി.